0
Diadomingo den oranan di marduga un zonido fuerte impactante a lanta habitantenan di Bubali pa despues capta cu un auto a dal den un cura di cas y bolter y para algun meter pabou di e cas cu el a dal.
Tabata un toyota yaris cu un homber hoben aden. E yaris a keda completamente destrui y a cay bek riba su cuatro wiel despues di e impacto.
Camara di siguridad di un cas a capta e accidente aki y claramente por a capta cu velocidad halto a hunga un rol. Polisnan di biaha a presenta ne sitio y e caminda a keda cera te ora cu takelwagen a kita e auto. E chauffeur basta bebi ne sitio a keda deteni di biaha pa Polis. E auto a basha parti di un cura di cas di piedra abou. Afortunadamente ningun hende a keda herida.