Patruya pasando banda di e rotonde fta na San Nicolas diasabra marduga a mira por lo menos 3 tres auto coriendo hopi duro, un di nan luz paga y tabata un pasamento pa loco, aki e patruya a cende luz y sirena bay nan tras pidiendo mas patruya.
A sigui e autonan foi un distancia debi ne manera iresponsabel cu nan tabata core. Patruya yegando Carnival Village ta topa cu un desgracia, un di e autonan cu nan a wak pega bou di un mata completamente destrui y un pali luz tambe a keda kibra, ta trata aki di un Kia Rio blanco. Den e auto un mucha homber jong a haye benta patras cu man ta colga y no tabata move mes.
A pidi ambulance y brandweer cu urgencia. Paramedico a brinda asistencia ne hoben pero su situacion tabata serio, y a warda brandweer presenta pa yuda saca e victima. Cu ayudo di bombero a sake prome boca abou debi cu a haye boca abou den e auto y asina cu cautela a pone bek normal. Cu urgencia a bay cune hospital. Specialista di trafico y departamento tecnico a presenta pa haci nan investigacion.