Diasabra marduga habitante di Primavera a scucha un desordo fuerte pafo di cas y ora a sali wak a topa cu un van blanco pega den cura di cas, di biaha a bati alarma na Polis ya cu e persona na stuur a bandona e sitio na careda lagando e vehiculo atras. Na yegada di patruya ta topa cu e auto memei caminda, unda e chauffeur biniendo foi rotonde Sabana Blanco a sigui straight bay nort pega den e cura di cas. E auto aki tabata envolvi un rato prome diabierna anochi na un pelea na un bar restaurant na playa y lo a te hasta menasa persona. Polis a tuma tur documento cu a haya den e vehiculo y a listra wak si ta topa cu arma pero nada particular.