Tanki Flip:
Diadomingo algo despues di 3’or di marduga, un persona masculino a wordo alcansa pa un auto, un poco mas panort di rotonde Tanki Flip. Algun persona cu a mira e accidente aki sosode, mesora a core bay yuda e homber, nan a hale for di riba caminda y a pone riba e tera banda di caminda, mientras tabata wardando riba polis y ambulance.
Enberdad na yegada polis a bin topa cu e homber herida,tambe na e sitio a bin compronde cu e homber a bay crusa e caminda y net na e momento ey tabata biniendo un Kia Cerato cu velocidad halto, e auto a dal e homber lage herida. E auto mes tabata para un poco mas panort di unda e accidente a sosode.
Aparentemente e homber lo a fractura su pia malamente. Polis na e sitio a pidi pa presencia di departamento tecnico y tambe pa polis di trafico.
Despues cu e paramediconan a trata e homber na e sitio, cu urgencia a transporte pa hospital.
