Dialuna atardi autoridad a keda informa cu un persona a saca un turista hende muhe di edad foi lama na Boca Catalina y nan ta bezig cu reanimacion. Di biaha a mobilisa dos unidad di ambulance y polis pe sitio. Na yegada di paramediconan a sigui cu e parti di reanimacion cu e turista femenino, a haci tur e procedura pero sin resultado despues di mas cu 45 minuut.
A haci diferente intento cu mashine pero no a haya pulso.
No a keda nada otro di a yama dokter Texier pa presenta y constata morto di e turista di 67 aña cu ta di vakantie foi diasabra aki riba nos isla.
Segun informacion di e casa, e señora tabata landa y a sinti un dolor den pecho y ora a sali afo a saca y asina a stop di hala rosea.
Un calor inmenso tambe tabata haci parti merdia pa atardi.