Diabierna prome cu 3’or di atardi na e crusada di Stadionweg y Avenida Milo Croes na altura di stadion ta keda registra un accidente di auto fuerte unda tres auto ta envolvi y tabatin hende herida. Di biaha a despacha Polisnan y Ambulance pe sitio. Na yegada di patruyanan ta topa cu tres auto, dos chevrolet y un toyota corolla envolvi.
A constata cu e chauffeur di edad den e corolla no a duna preferencia a subi e crusada y un chevrolet biniendo di pabou a dal den e corolla y asina e dos autonan a dal contra di un otro chevrolet para na Stadionweg pa subi e crusada.
Personal di ambulance a brinda asistencia medico ne homber di edad cu tabata herida.