Diamars merdia riba caminda di Santa Cruz pa Hooiberg net poco pabou di Napa ta sosode un accidente unda tres auto a keda envolvi, den esaki tres hende a keda levemente herida.
Polisnan di Santa Cruz y Polis di trafico di biaha a presenta ne sitio. A cera e caminda debi cu e autonan tabata riba caminda. A constata cu e chauffeur di e pickup a baha velocidad y caminda pa un camry cu a yega crusa caminda y a core den banda robes, pero un dama chauffeur den un tiida cu a capta esaki laat a dal basta duro tras di e pickup y consecuencia y camry cu tabata core den banda robes di caminda a dal parti patras di e tiida.
Debi ne impacto, un dama den e pickup, e dama chauffeur di e tiida y un señora di edad a keda levemente herida. Paramedico a controla tur persona ne sitio.