Diasabra anochi riba caminda di Bubali pa Pos Abou den Caya Musica habitantenan a scucha un desordo basta fuerte y ora a bay sali wak a constata cu un accidente fuerte a sosode dilanti nan cas. Total tres auto kibra y un homber a baha foi un suzuki liana y bandona e sitio na pia.
Polis nan a keda dirigi di biaha pe sitio y ta topa cu di berdad un suzuki liana, toyota corolla y un honda crv nobo nobo destrui. Habitantenan di dos a menciona cu nan auto tanto esun di e toyota corolla y e honda crv poco mas pazuid ambos auto staciona dilanti diferente cas.
E chauffeur di e suzuki liana a perde control baha caminda basta duro na su man drechi debi na un posibel auto cu lo a lora su dilanti segun version di hende y aki a pone baha caminda dal den e honda crv y despues dal den e corolla, manda e corolla bay para mas leu.
Polis a tuma e suzuki den beslag te ora un persona bin reclama esaki.