Diadomingo pasa a continua e torneo Himno y Bandera organisa pa SV Aruba Juniors. E prome wega cu a bay entre e team di cas y Tigers a bay ful 7 inning. Den top di 7 inning Tigers ta anota 6 careda pa tuma ventaha 9 pa 8. Den bom di 7 inning Aruba Juniors ta bounce bek y ta score 2 careda pa laga Tigers den tereno. Esaki ta haci Aruba Juniors e prome team cu ta clasifica pa e semi-final. Den e di dos wega, Boomerang cu a perde su prome wega contra Deco’s, ta sorprende Astros, e campeonnan di aña pasa, cu score di 6 – 3. E di tres wega di dia tabata entre Sluggers y Jani’s unda cu Sluggers ta gana Jani’s 3 pa 1. Despues a sigui un bataya entre Deco’s y Surprise cual Deco’s ta gana cu score di 7 pa 6.
Diadomingo awo lo dicidi e standing final pa e weganan di 15 y 18 di maart 2026. E prome wega riba schedule pa 9:30 den Poole A lo bay entre Slugger y Aruba Juniors. E wega aki lo dicidi e prome y di dos luga. Pa 11or lo tin e di dos wega cu lo bay entre Deco’s y e campeonnan di aña pasa, Astros. Despues ta sigui e wega entre Jani’s y Tigers pa 12:30. E di cuater wega cual ta programa pa cuminsa 2or lo ta entre Surprise y Boomerang. E ganado di e wega aki lo clasifica pa e semifinalnan.
E torneo ta clasura dia 18 di maart 2026 unda cu lo rebiba e cushina di Seafood. Pa 2or lo tin homenahe na dos baluarte y pa 5or atardi Dushi Vibezz lo ta presente.
Nos ta warda boso diadomingo awo na Aruba Juniors