Dianan 18, 20 y 21 maart próximo Papaya Ranch ta organiza su Torneo Himno y Bandera di bolas criollas cu un participación di 69 ekipo total. Lo tin participación di 32 ekipo den categoría di caballeros, 24 ekipo den categoría di damas, 7 ekipo hubenil y 6 ekipo infantil.
Diaranson 18 maart 2026 pa 9:45 mainta lo tuma inicio di Torneo Himno y Bandera di Bolas Criollas na Papaya Ranch unda lo canta himno y personahenan bon conocí den mundo di bolas criollas lo saca prome bola. Después weganan di infantil, hubenil, damas y caballeros lo sigui durante día te cu 7:00 di anochi. Diabierna 20 maart 2026 pa 5:00 atardi lo sigui cu e weganan y diasabra 21 maart 2026 pa 5:00 atardi ekiponan lo sigui batalla pa asina anochi tin e gran final pa haya resultado di Campeon, Sub-Campeon, 3er y 4to lugar den cada categoría. Tambe lo tin premio pa Mihor Boche y Mihor Arime den cada categoría. Pa culmina e torneo lo tin ambiente musical di Shine Music Aruba desde 8:00 anochi, bin baila y goza!
Papaya Ranch ta gradici tur patrocinado y ta invita henter pueblo di Aruba pa bin apoya nos ekiponan di bolas criollas y pasa dia cu famia y disfruta di un bar bon surti y cushina crioyo crioyo!
Ban hunto celebra nos Dia Nacional y engrandece bolas criollas y deporte di Aruba en general.