Cuminsando na maart 2025 e Tienda di Ley lo organisa den colaboracion cu CEDE ARUBA a traves di BARiO UNiCO tres sesion di informacion na Centro di Bario riba e topico di ley di herencia.
Kico e Tienda di Ley ta haci?
E Tienda di Ley ta yuda personanan cu tin pregunta of problema legal y cu no tin suficiente recurso pa paga un experto legal. Eayudo ta consisti di un conseho skirbi of ayudo pa completa formularionan legal.
E Tienda di Ley por duna conseho riba diferente terreno legal como labor, huur, daño, contractnan,
areglo nan di pago, divorcio, inmigracion y mas. Si e Tienda di Ley no por yuda a causa di e complexidad di un problema of pregunta, e persona lo haya un indicacion pa acudi na un otro instancia
concerni. E Tienda di Ley ta duna conseho so y no ta representa personanan den procedura legal.
Mester di un cita pa e session di informacion?
No, cita no ta necesario.
Kico e Tienda di Ley lo hasi durante e session di informacion?
Durante e session general dos studientenan di e Facultad di Ley di e Universidad di Aruba cu ta vrijwilligers na e Tienda di Ley lo comparti informacion den forma di un presentacion. E tin un momento despues di e presentación pa Q&A. Durante e Q&A bo por pone pregunta riba en informacion den en presentacion. E Tienda di Ley no tin capacidad pa trata bo caso privado durante e Q&A: no por protegi bo privacidad ni hasi e investigacion necesario pa forma un conseho legal.
Anto, kico mi por haci si mi tin un pregunta privado?
Pa por yuda bo persona cu bo pregunta personal y specifico, bo persona lo mester di un cita di consulta cu e Tienda di Ley. Pa por traha un cita por bay riba e Facebook-pagina Tienda di Ley y yena e formulario digital of por contacta nos via e e-mail: [email protected] pa ricibi e formulario digital.
Tambe bo tin e opcion pa pasa na e recepcion di e Universidad di Aruba durante e siman entre 8 AM y 12 PM / 2 PM y 4 PM pa busca, completa y entrega e formulario pa traha un cita. E Tienda di Ley no tin un number di telefon.
Den caso cu e Tienda di Ley ricibi bo formulario, nan lo yama bo persona pa informa si e Tienda di Ley ta e instancia adequa pa yuda cu e problema of pregunta specifico.
E no ta posibel di ricibi un consulta di e Tienda di Ley na e Universidad di Aruba sin un cita.