Pa Subway Aruba e aniversario aki ta un trayectoria di crecemento, conexion cu e comunidad pero tambe 3 decada y mei di evolucion aki na Aruba. E celebracion di 35 aña lo bai wordo celebra en grande durante ful aña cu evento, activacion y mucho mas.
E no ta solamente di mira atras riba e trayectoria di Subway aki na Aruba, pero eta un oportunidad pa trece dilanti con tur cos a cuminsa, con a crece y unda Subway Aruba ta awe y lo bai ta den futuro.
Pa ranca sali cu e celebracion, pa solamente awe y mañan, Subway Aruba lo tin tres combo special. E 6″ sub di seafood & lobster, steak & cheese of e tuna hunto cu su refresco di 20oz mas un cookie pa unicamente AWG 12,75 pa combo. Como cu Subway Aruba ta di fiesta, tur cliente lo ricibi un cupcake pa hunto celebra cu Subway Aruba e comienso di nan gran celebracion di 35 aniversario.
Den e celebracion di 35 aniversario, niun hende ta keda atras y cu tur hende ta parti di e gran famia di Subway Aruba. Subway Aruba a escohé Shawndre Geerman di Fundacion “Sea Bunita, Sea Bo Mes”como e modelo, paso den Subway Aruba su aña di celebracion tur hende ta conta. For di grandi te chiquito Subway Aruba ta invita pa tuma parti den e fiesta special aki!
Como parti di su compromiso cu comunidad, Subway Aruba tambe a bishita Cas Marie na Mama Ties, unda a reparti cupcakes cu cliente y personal, celebrando hunto cu comunidad.
Subway Aruba ta conoci pa tin e pan di mas saludabel cu ingredientenan di calidad sirbi tur dia pa miembronan di ekipo profesional y dedica. Subway Aruba tambe ta forma parti di varios eventonan deportivo cu ta motiva y promove movecion sano y un bida mas saludabel. Semper Subway Aruba a sa di patronisa y duna aporte na eventonan local deportivo como parti di nan compromiso cu e comunidad di Aruba.
No tin duda cu e celebracion aki di Subway Aruba su 35 aniversario lo ta yena cu sorpresa pa tur nan clientela.