E aña aki SETAR NV. como un di e patrocinado
comprometi na engrandece Carnaval a duna inicio na Parada di Flambeu. Pa exactamente 7:58 pm. Ronica Lopez, Commercial Director di SETAR hunto cu Presidente di SMAC, Darren van Ommeren compaña pa KPA a inicia e prome actividad
pa 2026. Carnaval 72 a ranca sali den grandi cu aproximadamente 10.779 persona riba caya y
tambe a conoce un ahuste den e secuencia di gruponan di carnaval cu a keda como lo
siguiente:
1.TOB Carnival Group: 3200 participante
2.Dushi Carnival Group: 700 participante
3. Los Laga Bai: 700 participante
4. Champagne Carnival Group: 2500 participante
5. Royal Carnival Group: 300 participante
6. Empire Carnival Group: 2000 participante
7. Colours Carnival Group: 150 participante
8. Hepa DMC Society: 700 participante
Tur aña SMAC ta conta cu patrocinio cu ta sigui engrandece y haci e actividadnan di
Carnaval posibel. Segun Darren van Ommeren, e partnernan aki cu ta inverti grandemente pa varios aña ta haci cu nos ta sigui mantene nos herencia cultural bibo y yud’e evoluciona tambe.
Pa es motibo ta keda enfatisa y gradici e sosten continuo di partnernan manera: Setar
N.V., Aruba Tourism Authority, Aruba Airport Authority, CMB, Gobierno di Aruba,
Guardian Group, Brouwerij Nacional Balashi, Cuts & Curves, Garage Centraal,
UNOCA, Paradera Gas Station, Cura Cabai Gas Station, K&G, Fly Zair y NV Elmar.
Pa mira mas potret oficial di Parada di Flambeu y haya mas informacion relaciona cu
actividadnan di Carnaval 72, busca Isla di Carnaval riba plataformanan social manera
Facebook y tambe Instagram. Ademas, bo por bishita www.isladicarnaval.com pa
cumpra bo pakete di PPV “Ambiente den 72”, y aplica como un voluntario pa parada of actividad di SMAC.