2026 a habri nos isla cu varios caso lamentabel cu hendenan cu tin hopi problema cu no sa con pa soluciona nan problema y no kier saca e problema cu nan tin wanta y ta bay haci e otro paso cu ta e solucion di bay foi mundo.
E ta pasando den tanto edad hoben te na edad grandi. E no ta distingui bo color si bo ta color cla, scur, bruin y si bo ta hende pober y of hende cu placa.
Salud mental ta grandi riba nos isla, e tempo di espera pa bo haya un hende specialisa pa papia cune di bo problemanan ta basta largo, no tin hopi hende pa e tipo di trabou aki y ultimo 12 aña gobiernonan a faya y ta gasta placa den otro cosnan tanten inverti den parti social/salud. Pero e ultimo 3 aña ki e situacion a bira dimas.
Awor aki mes na scolnan tin fenomeno cu muchanan ta corta nan curpa pa lubida di nan problema.
Otro caso mas!!!
Na playa diasabra anochi autoridad a keda informa di un caso di un homber haya sin bida, ora a yega e situacion tabata otro. ( nos no ta publica e caya debi na reserva esaki como cu ta cosnan cu no ta publica )
A topa cu un homber di den careda di 70 aña di funcion medico conoci na Aruba. Bibando suso bo no sa kico tur e ta pasando aden y a cansa y a busca e otro forma pa e bay sosega e curpa y no kier ta na mundo mas. Departamento tecnico a presenta ne sitio pa saca potret di e scenario, na final auto funeral a presenta pa bay cu e restonan mortal. Paz na su restonan.
Situacion ta uno halto
Esaki ta duna di conoce cu e salud mental na Aruba ta halto, sea bo tin placa of bo no tin placa, loke ta pasa den mente di un hende cu kier un solucion of un hende pa papia cune no ta hayando solucion pa algun aña caba. No ta tur hende kier uit nan mes nan problema y ta wanta esaki te ora cu explota cue no por mas y ta bay haci e plan lamentabel,
Awendia cu bo tin problema nan kier hincabo den respaldo tur cos ta respaldo, respaldo ta prome cos ta hangua, y tur hende sa e consecuencia di e hangua manera bo haye prome biaha kico e ta hacibo calmabo pero bo sistema ta cambia completo pa semper.
Mester di solucion urgente
E caso ta uno urgencia pa un isla chikito asina, nos no ta cubri e casonan aki pero el a bira alarmante y a trece un relato amplio di e situacion general cu den 2026 tin casi 10 caso lamentabel di salud mental cu mester di yudansa pero no ta hayando ayudo di edad jong te na grandi.