Diasabra merdia central di Polis y centro di alarma 911 ta keda informa cu na costa pabou y nort di Aruba net panort di Light house tin un homber a cay den awa y ta confrontando problema. Despues di rato a keda informa cu e homber a keda wanta na barancanan. A despacha, Polis, Ambulance y Brandweer cu urgencia.
Na yegada di Polis y Ambulance cu tabata cerca a mira e situacion a topa cu un homber danki dios riba e baranca drumi sin forsa, maske lama tabta subi baha un rato. E prome dos truck di brandweer a presenta di biaha manera cu nan a haya e melding a sali foi Tanki Flip.
Materialwagen tambe a presenta debi cu ey den tin e cama special pa lanta hende den caso di rescate na costa.
Bon coordinacion, bomberonan a baha abou bay ne rand di lama ne barancanan pa yega ne homber a wanta nan mes na cabuya rond di nan curpa, cu ayudo di polis cu a yuda rek ne cabuyanan y logra di hisa e backboard a subi e homber herida y cansa bek ariba.
Asina paramediconan a tuma over y stabilisa e homber cu ta un persona papia spaño nacionalidad Guatamela.
Tur hende a keda contento cu e rescate a bay bon y bon coordinacion.