Redakshon di ABC Online Media ta hasi petishon WOB riba kousa di morto di krokodil di Boneiru

KRALENDIJK – E redakshon di ABC Online Media a hasi un petishon Wet Openbaarheid van Bestuur (WOB) na Entidat Públiko Boneiru i organisashon di maneho di naturalesa Stinapa. Tur dos instansianan ta envolví den un diskushon largu tokante e kousa di morto di e krokodil ku a keda deskubrí na Lac/Cai algun siman atras. 

A pesar ku a traha un rapòrt tokante outopsia di e animal, tin un falta di transparensha den hinter e asuntu i partidonan ta kulpa otro pa e parti aki. 

E petishon WOB a wòrdu hasí basá riba artíkulo 3 di e Wet Openbaarheid van Bestuur BES. Redakshon di ABC Online Media ke klaridat riba e proseso kompleto rondó e krokodil, for di e momento di observashon te ku e kousa di morto. 

E petishon ta pidi spesífikamente pa dokumentashon, evaluashonnan i komunikashon interno, inkluso e-meil i konbersashon di WhatsApp entre e gezaghebber di Boneiru i e direktor interino di Stinapa, John van Essen. Tambe ta pidi dokumentonan ku a wòrdu kompartí ku partidonan eksterno, manera Blijdorp/Roffa Reefs i instansianan sientífiko internashonal.

Rumornan tokante maltrato

E morto di e krokodil a lanta hopi rumor i spekulashon. Ta bisa ku e animal a wòrdu tratá brutu  durante e kaptura, ku konsekuensha possibel sangramentu interno. Pero, ni EPB, ni Stinapa no ku konfirmá nada, ni tampoko no ta kompartí rapòrt tokante e suseso, a pesar di vários pregunta pa hasi esaki. 

Redashon di ABC Online Media wor ta buska klaridat rondó di hinter e materia di e krokodil. Tambe tin indikashon ku e lugá pa warda e krokodil despues di su kaptura no tabata adekuá pa un animal di e Tamayo aki.  

0