Biblioteca Nacional y ELMAR ta invita tur famia pa e Apertura di Festival di Buki di Mucha 2025: “Aventura na Granel”. Join nos riba TeleAruba Canal 23 of na Paseo Herencia Ballroom riba diadomingo 2 di november cuminsando pa 3:00 PM!
Durante e apertura, BNA y ELMAR lo presenta e buki “Zap! Zap! Zzziennng! Aventuranan di Chispito”, un aventura diseña pa stimula amor pa lesamento entre muchanan y famianan. Skirbi pa Liliana Erasmus y ilustra pa Danielle Schothorst, e buki ta sigui e personahe curioso y yen di energia, Chispito!
E publicacion aki ta celebra e 75 aniversario di ELMAR, y ta introduci su mascota local, Chispito, pa promove siguridad di coriente entre muchanan den un manera fun y educativo.
Festival di Buki di Mucha ta tuma luga di 3 te cu 7 di november 2025, cu bishitanan na scolnan, mercado di buki segundo mano, actividad di merdia pa mucha y hopi mas. Pa mas informacion, bishita e pagina di Facebook di Biblioteca Nacional Aruba of N.V. ELMAR.
Zap! Zap! Zzziennng! Chispito ta cla pa Festival di Buki di Mucha!