167
Tanki Leendert – Diadomingo marduga rond di 3’or polis a bay un club nocturno na Tanki Leendert. Eynan segun informacion lo tawata tin un pelea grandi.
Polis a yega y a topa cu un grupo di persona, cu probablemente lo por tawata envolvi den e pelea.
Un di esnan presente lo tawata tin corta na cara, esaki posiblemente door di tiramento di boter.
Den e Honda Fit polis a topa cu esnan “herida”, a papia di hincamento. Polisnan a mira algo cu ta parse hinca.
E hendenan no tawata kier a coopera cu polis, pa nan wordo yuda e ora. Aparentemente ambulance lo a yega e sitio pa controla.
Por a mira si cu e grupo aki, varios di nan tawata basta bebi. Algo a pasa na e club situa banda di Wendy’s, pero kiko exactamente no ta conoci.
