Dialuna den oranan di marduga Polis a keda pidi cu urgencia pa un famia cu no por a domina un familiar den cas cu e salud mental no ta bon y ta pashent di respaldo.
Debi ne scenario ultimo Polisnan ta cauteloso pa con ta yega pa atende cu esakinan debi cu Polis no ta medico, Polis no por constata/diagnostica kende ta loco of malo esei no ta trabou di Polis.
Na yegada ne cas den area di Bushiri ( nos no ta publica e adres corecto pa privacidad ) e Polisnan foi un distancia a mira cu e señora den cas tabata basta agresivo mes ta dal su curpa formal y histerico y e familiar den cas mes mester a purba na wanta e señora ya cu Polisnan no lo bay actua evita cu e persona cu no ta bon di salud resisti cu autoridad y of coi algo di arma y e situacion bay foi man.
Pakico tur cos ta Polis???
Polis ta keda mes un hende cu nos tur, djis nan a bay les pa siña ley con pa actua duna servicio y a haya un posicion como autoridad cu por actua den casnan di, crimen, emergencia cu bida di hende, pero e mes un sanger cora cu ta core den nan ader ta core den nos tur, pero tin biaha bo ta hayabo cu algun ta haya aire te den cabes y abusa y net e 1 ey ta daña pa e resto di Polisnan cu ta haci nan trabou manera cu ta y ta daña e imagen di e Cuerpo.
Pa hopi tempo añanan e pueblo ta wak e number 100 como tur cos, Polis ta abogado, socialwerkster, haci caminda limpi, y yuda den cas di hende, of homber cu muhe, mata a cay den cura di otro a zundra ta core yama Polis. E situacion a bay foi man ultimo tempo. Polis t’ey pa yuda duna servicio te unda cu e por pero unda cu tin cosnan cu tin peliger cu no ta parti di nan trabou y cu ta trata salud di hende no por duna un man debi no ta nan profesion. Tin hopi hende cu problema cu salud mental y ora nan no tuma nan medicamente nan cabes ta flip bira loco y tipo di hende asina nan forsa ta bira dobel “diablo”. Manera cu bo yama 100 pidi yudansa cu tin un hende agresivo den bo cas atakante, e palabra agresivo pa un oficial ta nos tin cu yuda e victima cu ta den un caso di yudansa y aki polisnan ta prepara nan mes kico nan lo bay topa cune.
Polis ta un opsporing ambtenaar, t’ey pa duna servicio di ayudo na pueblo,un hende enfermo Polis no por yuda, Polis no por dunabo e medicamente debi nan no a siña esei nan e siña pe ley. Polis t’ey pa yuda wak y yama esnan encarga, ora tin hende malo ta paramedico bo ta yama, ora di hende morto ta un dokter bo ta yama pa constata morto pasobra e ta huramenta y studia p’e asunto ey, un Polis no ta studia y tin e autoridad di constata morto. Cada hende mester haci nan trabou.
E situacion di respaldo “crisis team” por a compronde cu nan man ta yen, ora nan keda notifica di caso di hende agresivo ta mustra cu nan lo ta “spanta” pe pashentnan y no sa con pa yega cas di e hende nan so pa duna e hangua pe persona por calma y trankilisa na e dose di e remedi duna y tur cos ta pidi Polis. Esaki ta mescos cu a sosode ne cas den area di Bushiri, Polis a keda te 3’or pasa di marduga warda e personal di Crisis Team di respaldo presenta y a djis keda como standby pa e persona por a haya su hangua y tur cos ta calmo ne cas.
Siman atras mes Polis a keda manda pa un cas na Noord/Shaba pa un persona cu salud mental pashent di respaldo, a lanta cu famia den cas y a pasa man pa cuchiu cu e kier a hinca su mes y ata kende ta esun cu ta keda yama ta Polis pa duna un man pa wak con pa negosha cu e persona pe no haci e acto aki, pero NO ta trabou di Polis pa yuda un persona cu salud mental debi cu Polis no ta dokter ni medico pa constata/diagnostica kende ta loco, of e cabes no ta bon y of pashent ta tarea di cada instancia y cu a yega ora pa nan mes actua. Polis ta caso di emergencia cu bida di hende ta na peliger, crimen y casonan di serio.