Pa hopi luna tin un situacion di choller house den centro di ciudad por ser exacto Elleboogstraat cu tabatin tur hende terorisa, bo staciona bo auto bo no sa si bo ta haye intacto. Ultimo tempo adictonan ambulante ta bringa te herida otro.
Debi cu na Aruba tur cos tin un proceso te ora casi baca hoga e ora ta actua, na ultimo e Polis di Bario Oranjestad hunto cu Bureau City Inspector a logra di haya e permiso pa asina nan desmantela e choller house patras di ex la linda, debi cu e tabata riba tereno di hende.
A benta tur cos afo, a haya delaster un cos cu posiblemente ta di ladronicia pero ya desmantela caba. E area awor porfin ta limpi pero e molester di e adictonan ambulante si ta keda.