Diamars mainta riba caminda principal di Kibaima pa Balashi a keda registra un accidente fuerte pa 8’or di mainta cu a mobilisa, Polisnan, ambulance y brandweer cu urgencia. Na yegada di Polis ta topa cu di berdad net e bahada pa bay zuid un accidente pisa cu dos auto basta destrui y hendenan herida y un chauffeur herida pega den un toyota yaris.
Di biaha a cera e caminda foi crusada mondi fierno y rotonde drive inn.
Unidad di rescate di bombero tambe a presenta ne sitio y aki bomberonan a cuminsa na corta e porta di e yaris pa saca e hende herida cu pia pega bou dashboard. Polis di trafico y departamento tecnico a haci nan investigacion y cu testigonan a duna di conoce cu pasamento di auto y core duro a hunga un rol.
E chauffeur di e yaris biniendo di zuid a bay pasa un auto bayendo nort net ne subida y a topa cu e suzuki swift biniendo di nort y aki nan a dal frontal, y e swift a pega ribe vangrail. Despues di rato cu bombeornan a corta e portanan di auto y kibre dashboard a saca e victima cu pia fractura y a keda hiba pa hospital. Despues di basta rato caminda a keda habri.