Departamento di Obra Publico ta desea di informa comunidad di Aruba, specialmente automobilistanan cu ta haci uzo di Caya G.F. Betico Croes cu entrante mayan 12 di maart 2025 te cu diabierna 14 di maart 2025 nos lo cera un parti di Caya G.F. Betico Croes pa motibo di un desmantelacion di un edificio cu lo bay tuma lugar.
For di un veredicto di un kort geding, Hues di Primera Instancia a dicta cu un di e edificionan na plaza Nikki Habibe ta den tal estado cu posiblemente peliger pa cay den otro. Pa seguridad di e area, hues a ordena pa demantela e edificio inmediatamente.
Pa seguridad di tur automobilista y personanan cu ta transita den e area, nos lo cera e caminda temporario for di 8:30 di mainta te 6’or di atardi pa asina nos por destamantela e edificio.
Nos disculpa pa e inconveniencia cu por surgi.