Diadomingo anochi na un di e barnan cu tin riba linear park a surgi un discusion formal entre un pareha, personanan a mira con e homber a dal e muhe un golpi duro na su cabes y a bringa cune un rato. Aki algun persona a sali na defensa pa para e homber y nan a duna e homber abusador un bati pe siña respeta hende muhe. Pero e pareha despues di rato a drecha a subi auto manera nada un pasa, maske cu prome e homber a menasa esnan cu a defende e muhe bisanan cu nan no sa kende nan ta.
Despues di rato e pareha a bolbe cu un hende mas y a bay bringa cu esnan cu a bati e homber rato prome, e muhe cu a keda defendi tambe a mete y a hala mokete, y e amigo cu nan a busca tambe a cuminsa brinda. Polisnan motorisa a topa e pelea y a pidi refuerso di biaha. Mas patruya a presenta y a detene un homber, te homber cu e pareha a bay busca pa bin bringa cu esnan cu a defende e mueh rato prome door di a bati e homber abusador. Awor e amigo cu a bin defende a sali perdi.
