Diasabra den oranan di marduga den area di LG Smith Blvd poco pariba di turbo rotonde na un negoshi un homber a keda confronta cu su muhe y mas hende den un spark blanco a presenta na pia di su trabou. Discusion a cuminsa y na final e dama toxica a ranca telefon di e homber bay cune subi auto.
E cinco hende aden a huy y polisnan basta lihe a logra topa cu e auto den Bushiri subiendo WVB pa bay Ponton. Asina varios unidad policial a blokia e auto aki. A topa cu dos hende muhe y tres hende homber. E muhe den e auto a admiti di a ranca e telefon di e homber debi cu e kier a coba aden pa wak kico e homber ta papia etc. Polis a kita e telefon fo’i dje y splik’e consecuencia otro biaha cu por tin cu e por keda deteni pa ladronicia. Polis a listra e auto y tuma dato di tur hende no a topa cu nada iregular. Polis a bay cu e celular y hib’e pe homber na su trabou.