E aña aki cu Cuatro weekend di alegría, arte y trabao pa comunidad.
E calor y alegria di Navidad ta yega tempran atrobe cu e proyecto comunitario Mistletoe Christmas Pop Ups 2025. Un celebracion unico cu ta uní creatividad, cultura, y comunidad pa cuater weekend na Paradijswijk Aruba.
Anja pasa e desaroyadornan di proyecto a tuma e iniciativa pa organizá un projecto comunitario di fin di anja, tempran den e temporada, y esaki a resulta den un exito grandi, loke a sorprende e iniciadornan y team Mistletoe completo. Despues cu comunidad a demostra cu tin necesidad pa e tipo di proyectonan aki, unda ta trece hendenan hunto den un ambiente harmonioso di fin di
anja, e desaroyadornan di Mistletoe no por a hasi otro cu trece e Mistletoe Christmas Pop Ups bek.
Celebra Pasco manera e ta suppose di wordo celebra
Cu su parke, cafe y market, unda tur hende por disfrutá di bebida y cumindanan di e temporada, arte, regalo, y postrenan navideño y un ambiente tradicional e comunidad ta wordo encurasha pa celebra e temporada manera Pasco ta suppose di wordo celebra. Nos kier duna e comunidad un experiencia completo di fin di anja, un lugá pa relahá, compartí y celebrá e nificacion real di pasco. E Mistletoe Christmas Café ta e curasón di nos Mistletoe Christmas Pop Ups, kaminda sabor y spírito di unión ta topa.
Kiko por sperá
❖ Mistletoe Christmas Café cu ta un christmas themed cafe, cu hot chocolate, lattes, shakes cu sabornan di fin di anja
❖ Stands di arte, manualidad y regalo
❖ Cuminda y bebida tradicional di temporada
❖ Música bibo y entretenimento pa famia
Fecha y lugár
E Mistletoe Christmas Pop Ups 2025 lo tuma lugár durante e dos ultimo weekendnan den Oktober y dos ultimo weekendnan den november 2025, pa asina duna comunidad mas oportunidad pa participá.Detaye di lugar ta riba e fb page di Mistletoe Pop Ups
Entrada ta gratis. Pa mas informacion por subi riba e facebook page di Mistletoe Pop-Ups