Diasabra tabata un dia basta druk pa Airport Aruba, relaciona cu e situacion di diabierna cu mayoria vuelo no por a aterisa cu turistanan y e grupo cu mester a bandona nos isla tambe a keda pega. Algo di 4mil turista tabata planea pa bandona Aruba diabierna y conta e milesnan cu tabata planea pa yega y pa Diasabra 5 mil turista pa yega nos isla pa gosa di nan vakantie.
Fo’i mainta trempan Airport a cuminsa tuma e prome avionnan te cu anochi laat e ultimo avion cu a aterisa na nos isla tabata di Arajet pa 9:35 anochi.
Diferente di sea 2 minuut of mas avionnan tabata aterisa riba nos isla, e parti mas druk tabata te cu atardi. Vuelonan, di Curacao, Boneiro, Latino America, Merca, Europa. Turistanan bandonando nos isla y e 5 mil cu tin cu yega. Pa 11:30 e ultimo avion cu Arajet a bandona nos isla direccion Republica Dominicana.
Personalnan di Airport tanto, esnan cu ta Check In na Balie, traha cu maleta te na Rampa, personal di siguridad, Douanero, Inmigracion, Polisnan di frontera, esnan cu ta traha ne restaurantnan paden te na Toren tabatin un trabou duro y a eherce esaki completo te cu final.
Di parti Masnoticia.com un palabra di tremendo trabou pa boso esfuerso ya cu turismo te unico pilar economico cu nos tin.