Diamars pasa di 11’or di anochi rib’e caminda principal di Macurima pa Santa Cruz net na altura di 88 food store ta sosode un accidente fuerte entre dos auto y daño material tabata basta. Polis di biaha ta presenta y topa cu un suzuki jimmy y un pickup basta kibra. A constata cu e chauffeur di e pickup a bay pa tuma un chens pa lora na su man robes pero no a regula e velocidad y distancia a dal contra e jimmy cu tabata biniendo fo’i zuid, segun declaracion di e chauffeur di e pickup ta papia n’e sitio.
Un hende muhe basta herida cu herida serio na cara tabata sangra basta, ambulance a presenta di biaha n’e sitio pa brinda asistencia medico. A pidi brandweer presenta pero paramedico a coordina pa asina saca e señora herida di otro banda lo mas pronto.
Polis a pone e chauffeur di e pickup pasa un test di alcohol y e homber a supla 0 cu ta indica cu e no tin nada di alcohol den su sistema.
Paramedico a controla e otro personanan cu tabata sinta den e auto tambe. Na final takelwagen a kita ambos auto kibra fo’i caminda y hibanan pa nan destino.