Recientente Kiwanis Club di San Nicolas a tene su evento principal di empoderamento di hoben, The Crown & Courage, diasabra, 1 di november 2025, na Filomena College Mavo. E evento a reuni studiante y lidernan di comunidad pa un dia yen di inspiracion, dialogo y crecemento personal.
E atardi a cuminsa cu un discurso poderoso di apertura pa Minister Wendrick Cicilia, cu a motiva hobennan pa accepta nan identidad, sigui nan soño y lidera cu curashi. E programa a contene un grupo dinamico di oradornan inclui Adriane Fräser, Djurwin Brito, Rodrick “Rocco” Franken, Esther Emerencia – Gomes, Sarah Gomes, Jermaro Emerencia, Jonathan Arrindell y Rhona Dijkhoff, tur a comparti historia personal y conseho riba confiansa, resilensia y liderazgo.
“E evento aki tabata un celebracion di amor propio, proposito y identidad,” segun Presidente di Kiwanis Club of San Nicolas. “Nos ta hopi agradecido cu nos oradornan pa nan autenticidad y cu nos partnernan pa yuda nos realisa e vision aki.”
Kiwanis Club ta expresa nan gratitud profundo na colaboradornan Wendy’s, Martijn Trading, EL Louvre Witec,Kooyman, Op = Op, Bryson Media y Magic Photo booth Aruba pa nan apoyo generoso. Nan contribucion a yuda crea un espasio atractivo y acohedor pa 65 hoben cu a asistí.
Un gradicemento special ta bai na e voluntarionan cu ku a traha incansabel pa garantisa e exito di e evento.
The Crown & Courage ta marca un otro hit den e mision continua di e Club pa eleva hoben y fortifica lazo den comunidad.