Un hoben cu sigur tambe su musica a dal den Carnaval 72, y na prome instante e no a sali den e top 10 di final di Caiso & Soca, pero durante reconteo tabatin sorpresa ya cu Jair a bay cay te na nr 5 cu su cancion titula The Last Bus to Jouve cu banda Duro.
Nos a combersa cu Jair Dijkhoff un rato y e tin 23 aña di edad, cu si 19 aña el a cuminsa canta den Carnaval y a dal duro na su salida.
Tambe Jair na 2022 a cuminsa locuta na Mas Fm 105.1 parti atardi y a coy un acogidia grandi di sintonia, pero retonan di trabou y horario a pone cu e no a keda mucho na radio pero semper a keda corda riba Mas Fm 105.1 unda el a cuminsa.
Jair tin 4 aña ta participando den Soca Festival y pa Carnaval 73 te prome lustro. Jairo kier a gradici, Duro entertainment, Markkeys, Maicky Oliva, Sergio Barros, Emilio Murray, Hubert Thiel , Ataniro , Suhcy pa ta parti dimi carera te cu awo, sin lubida su sponsersnan cu a yude durante tur añanan.
A puntra Jair si lo wak e den Carnaval 73, y a duna di conoce sin duda e t’ey. Y a puntre na final di e combersacion si lo por tin cancion diferente den 2026 y segun su planes cu lo tin mas cancion durante 2025.
E pregunta crucial cu nos a puntre despues cu e reconteo cu a tuma luga e sorpresa cu el a haya cu e ta den e Top 5 con el a sintie. Jair a bisa “Ma sintimi cu un feeling di satisfaccion y cu pa di 3 biaha mi ta den top 5 di e festival y cu 1 corona, bo ta sinti cu e trabou duro y ora nan largo di training y brainstorm tin su fruta y sigur cu e pueblo tambe a gose”.