Diadomingo anochi autoridad a keda informa cu tin un cas na Tanki Leendert ta na candela a despacha brandweer y polis cu maximo urgencia. E dos truck di brandweer y polis a cuminsa busca den area di wema bin ariba pero sin ningun resultado, a cuminsa busca rond pero nada. Despues di rato buscando mas informacion autoridad a haya sa cu e adres ta mas leu, e ora ey e dos trucknan di brandweer y polis cu maximo urgencia ta direccion pariba.
Nan a logra yega y a haya e apartamento di berdad huma ta saliendo, bomberonan a drentra via bentana y a drenta accion pa combati e candela. Tur cos lo a cuminsa den e camber, segun e habitante ta kere ta intencional ya cu e candela ta den e camber y despues di un buskeda nan a haya cosnan cu posiblemente a ser usa pa pege cas na candela.