Net poco pabou di Spring Field supermarket na San Nicolas ta sosode un accidente diabierna atardi unda auto a dal hende y e homber tabata benta abou, patruya di San Nicolas di biaha ta keda dirigi cu urgencia pe sitio. Na yegada di e patruya ta topa cu un homber herida benta abou ta sangra na cabes, a notifica polis di trafico di biaha di e sucedido. Ambulance tambe a keda solicita y paramedico a presenta basta lihe.
Paramedico a brinda asistencia medico ne homber herida y stabilisa ne sitio pa despues transporta pa hospital. Polis di trafico a haci su investigacion ne sitio mes y papia cu e chauffeur di e pickup y testigo. A saca afo cu e homber a crusa di nort pa bay zuid y a crusa net momento cu e pickup ta biniendo di pariba direccion pabou riba un velocidad basta abou debi cu ne auto no tabatin ni sla.