Diaranson merdia den un cas na Mativiridi a surgi un problema di pareha cu a bay foi man y e homber a usa forsa di golpi y dal e señora varios biaha na su curpa. E señora no tabata por a wanta e golpinan mas y a pidi yudansa di Polis.
Patruya di Santa Cruz a presenta di biaha y a topa cu e homber ne cas a wante pa scucha version di e señora y a bay over na detene e homber. Polis a pidi ambulance pa paramedico haci un control y a dune conseho y e señor a opta bay busca rapport na dokter su mes.
