Diamars mainta Central di Polis ta keda informa cu riba Seri Teishi banda di veld di duracell tin un accidente pisa unda auto a bolter y tin hende herida. Di biaha a mobilisa ambulance y polis cu urgencia.
E caminda a keda cera rotonde Balashi bay abou. Paramedico a brinda asistencia di biaha ne chauffeur di e auto cu ta un hoben. E yaris tabata biniendo di pabou direccion pariba velocidad halto a pone cu e hoben a perde control y asina bolter bay otro banda di caminda cay banda panort.
E situacion tabata grave pe hoben di 17 aña. Pasa di merdia nos a keda informa cu familiarnan a presenta na hospital y nan a haya e mal noticia cu nan ser keri no lo wanta mucho mas debi ne slanan. Diaranson pa 8:35 mainta a drenta informe cu e hoben a fayece.
Ta trata di un hoben H.Figueroa naci 30-4-2008 apenas 17 aña, a fayece den e desgracia riba Seri Teishi.