Aruba — Pa celebra e prome luna di su reinado como Miss Teen Universe International 2025, Guizza Maria Steenvoorde a hiba un bishita llena di gratitud na un hende cu a yuda e sinti mas confiá den su mes: Edwina Croes.
Edwina Croes, ex-Miss Aruba i Reina di Carnaval, tin un trayecto largo den e industria di bunitesa y cultura di Caribe. E tabata propetaria di su propio salón den Aruba Caribbean Hotel y tabata e estilista oficial di Beatrix, Reina di Hulanda durante su bishitanan na Aruba. Edwina tambe ta conoci como un di e promotor mas activo di talento local riba e red social, semper motivando tur hoben di su pais.
“Señora Edwina ta un persona cu semper ta para fuerte den momentunan difícil. E ta un ejemplo di pasenshi, pasion y amor pa su comunidat, algo cu ta inspirami masha hopi,” segun Guizza Maria.
Durante e bishita, Guizza Maria a entregá un ramito di flor y a regala Edwina un makeover completo di The Salon Aruba — un gesto simbólico di apresio y di su admirashon.
Guizza Maria tin como meta pa sigui trese dilanti reconocimento na muhernan balente y resiliente den nos comunidad den forma di agradicimento ya cu nan ta e ehempel silencioso pero poderoso di e mihor cu Aruba ta posee.
E momentu aki ta un refleho di e balornan ku Guizza Maria ta trese como Miss Teen Universe International: gratitut, inspirashon i kompasión. Durante su reinado, lo e sigui lanta voz pa muhernan ku ta sirbi di inspirashon pa nos tur.
