8
ARUBA– Guizza Maria Steenvoorde, pasiona pa unidat i cultura, a bishita e Consulado Dominicano na Aruba na un momento importante den su bida, den caminda pa e gran experiencia di Miss Teen Universe cu tuma lugar na Punta Cana, 13 di April.
Durante su bishita, Guizza Steenvoorde a wordu risibí cu hopi candor y amabilidad pa e excelentisimo Consul, Sr. Luis Eludis Pérez. “Di momento cumi a drenta e Consulado, mi a sinti un ambiente di famia, manera si mi tabata den e mesun tera di República Dominicana. Awo mi ta bai cu mi curason yena di gratitud pa e experiencia y cu hopi speransa pa e futuro di lasonan entre nos comunidad,” el a bisa.
Guizza Maria a expresa su aprecio pa e manera nan ta traha pa fortalesé e relashonnan entre Aruba i República Dominicana. Durante su bishita na e Consulado, e tabata tin e chens pa scucha di e proyectonan ku ta uni e dos isla, como tambe di e riqueza cultural y gastronomico cu ta forma parti di e herencia Dominicano.
“Esaki ta un trabou cu ta meresé reconesementu, pa e manera amoroso ku nan ta dedica nan mes pa cu e comunidat,” Guizza Maria a agrega.
Cu e energia positivo y masha hop entusiasmo, Guizza Maria ta prepara pa representa Aruba na Miss Teen Universe, un concurso Internashonal cu ta brinda e oportunidat pa inspirá y empodera hobennan.
Dia 6 di April lo inicia e viahe pa Punta Cana den compañía di su Team y ta agradeci tur esunnan cu a tuma tempo pa yude den su trayecto y a graba su video di despedida.
E concurso ta tuma lugar riba 13 di April i ta konta ku 30 participante di diferente paisnan. Guizza Maria ta ekspresa su emocion pa por forma parti di un evento ku ta reuni mucha hoben di diferente cultura, acentua e oportunidat pa conose mas tocante e tradishonnan y balornan di otro nashonnan, y crese no solamente komo modelo, sino tambe komo persona.
E intercambio cultural ta enriquesé experiencia y lo percura pa cada participante hiba cune un muchilla di conosementu y amistad cu lo perdura pa un eternidad.
Aruba por vota, djies bay na e link missteenuniverse.1voting.com y asina nos por keda clasifica automáticamente den e TOP 6.