Diabierna anochi riba caminda principal di Pos Chikito direccion pa rotonde Balashi pe brug spaanslagoen ta sosode un accidente serio cu brommer, di biaha a mobilisa patruyanan policial cu urgencia ya cu personanan a informa Polis cu e persona no ta reacciona.
Den algun seconde di e accidente dos auto a dal poco mas pabou ya cu chauffeur di un auto a mira e hende benta abou a dal un brake di golpi debi cu un auto a tabata core slow su dilanti.
Patruya di San Nicolas y trafico a presenta y a topa cu un homber benta abou herida. Polis a tuma nota riba caminda cu e brommer a slip mas cu 150 meter di unda cu el a box y a bin para basta leu. Polis a cera e caminda completo, debi dos brommer y dos auto memei caminda.
Ambulance a presenta di biaha y paramedico a brinda asistencia medico di biaha y bay cu e victima pa hospital. Specialista di trafico y departamento tecnico a presenta ne sitio pa haci nan investigacion y tuma tur dato di ambos brommer. Ya cu e impacto tabata basta leu di unda e brommer a bin para.