Dialuna mainta den Parlamento di Aruba a tuma luga e reunion publico relaciona cu e incidente unda Polis a los 18 tiro y tiro accidental a cobra bida di un hoben.
Parlamentario sr Gino Goeloe di partido Futuro, cu ta bin den mundo medico a hiba palabra y a bisa cu ta hopi tristo pa loke a pasa pero nos tin para keto kico a pasa precies, manera colega Otmar Oduber a bisa onderbezet di 65 % y ora bo ta traha bou di presion di 16 ora pa dia, ta con bo por funciona. Esei te palabra cu den reunion cu a tuma luga prome cu esaki a bin padilanti cu tin un onderzet den Cuerpo Policial, tin cu bay wak tambe pasobra Polis ta keda un ser humano. E ta bay cas cerca su famia y despues di rato tin cu bolbe un otro warda di 8 ora y pa bolbe sirbi comunidad pa nos siguridad.
Papiando cu nos comunidad y polis ta bisa cu nos man ta yen tin hopi stress den e cuerpo tin cu traha dobbel shift y no tin tempo pa dedica na famia y nos tin cu pensa riba esaki. Nos mester pone placa disponibel pa yuda e Minister pa pone fondo pa mas Polis pasobra no por sigui asina y si sigui asina por bin mas caso. Tin cu pone mas fondo financiero y duna Minister di Husticia pa asina scol di Polis busca mas Polis pa añanan venidero y a tende un lista di mas cu 370 Polis y ta hopi y por parti esaki den 4 pa 5 aña.
Loke a ponemi para keto con a sigui cu e cuido na mayornan, nan ta hayando e apoyo y wordo atendi despues cu esaki ta hopi importante. Ora a tende cu Cuerpo Policial no tin un psicologo den dienst ma keda babuca con por ta posibel cu no tin un persona asina anto Polisnan tin traha 14 pa 16 ora pa dia, e personanan aki mester di ayudo sosten y keda atendi pasobra nan tambe ta bay cas cerca nan famia. Awendia ora bo sali ey fo bo no sa kende bo ta bay topa Parlamentario Gino Goeloe a bisa y nos sa cu Polisnan ta pasa den hopi cos y no por cay riba ningun hende, y mester un profesional pa guianan pa mayan por sigui traha.
No ta un luho mas pa bin cu bodycam y otro cosnan e ta necesario pa haci e trabou di Polis, y a yega tempo unda miyones a bay den camara y awor hinca placa den nos Cuerpo Policial e parti humano, training, busca hende di Hulanda of unda pa train nos hendenan.