Aymed Ayudidi Live Fm 99.9 den sala di Pasanggrahan, den sala di conseho insular, caminda Señor Elvis Tjin Asjoe akaba di huramenta serca e Gezaghebber y alabes Presidente di Conseho Insular, Señor John Soliano. Señor Tjin Asjoe, bo ta drenta bek den Konseho Insular pasobra bo no ta un desconoci aki den. Eigenlijk nan ta bisa bo ta un di e veteranonan di Conseho Insular. Kico e sintimento ta?
Elvis Tjin Asjoe: Bon, e ta un sintimento pa cuminsa di orguyo, mi ta contento cu mi a wordo pidi pa nos lider politiko Hennyson Thielman. Debi na motibunan familiar, e no por ta presente na e diferente reunionnan cu lo bay tin. E ta na Korsou cu su famia, y esei a pone cu el a pidi pa mi drenta. Claro cu mi mester a pensa un rato pasobra mi no tabatin den mi plannan pa drenta Konseho Insular na e momentonan aki, pero mi ta semper cla pa sirbi na e momento cu mi ta nesesario.
Loke e sintimento ta duna mi tambe, ta e ultimo dianan aki cu tin hopi diskushon di instabilidat den gobernashon. Tin hopi pleito caminda nos politiconan ta uza tempo pa kishiki cu otro, mientrastanto nos tin cu cana e caminda di debate riba cosnan importante pa e pueblo. Nos tur sa cu nos tin krísis mundial, nos tin nos camindanan cu tin mester di atenshon, y nos tin e kosto di bida di e pueblo cu nos kier traha riba dje. Diferente kos ta biba den e comunidad cu ta pidi nos energia. Mi ta lamentá cu tin asina tantu pleitu polítiko, y mi ta spera cu nos por bai padilanti. Mi ta spera cu pa awor padilanti nos por tin un Konseho Insular y un Kolegio Ehekutivo cu por traha den union, trankilidad y pas cu otro den e aña di gobernashon cu a sobra prome cu nos yega elekshon.
Mi ta compartí loke mi ta tende continuamente den media y riba caya tocante loke Boneiru ta enfrentando den e situashon polítiko aki; ta algo nunca bisto. Pues e comunidad por conta cu mi; mi ta hinka mi skouder bou di esaki pa nos cambia e situashon, krea trankilidad y stabilidad pa nos por goberná pa bienestar di e pueblo.
Bo ta drenta Konseho Insular, Señor Tjin Asjoe, na un momento krítiko. Nos ta den un situashon fastioso den gobernashon. Awor aki cu e retiro ofisial di diputado Anthony Wever, tin solamente dos diputado a keda, y tin un coalicion di minoria. Ademas, M21 tambe a kaba di kita su sosten for di e coalicion aki. Kiko ta “next” pa Boneiru? Nos por spera un formashon nobo pronto?
Elvis Tjin Asjoe: Mira, e situashon ta inaseptabel. Loke mi a mira cu a pasa últimamente cu comunicacion cu ta sali pa fo’i, manera asuntunan di Ministerio Públiko… ta kosnan cu mi no ta kere e cara di gobernashon di Boneiru meresé. Como partido MPB nos a tene diferente kòmbersashon cu otro partidonan tambe. Nos ta laga asina pa awor, pero pronto lo bira konosí cu Boneiru lo haña algo nobo cu lo garantisá stabilidad y trankilidad. Nos no por divulga nada ainda, pero den poko tempu esei lo bira konosí.
Bo a drenta Konseho Insular, y dialuna tin elekshon. Esei ta nifiká cu Elvis ta bèk riba lista di MPB?
Elvis Tjin Asjoe: Esei ta depende di e partido y di e comunidad Boneriano. Si e petishon t’ei pa mi ta riba lista pa sirbi e comunidad, mi t’ei. Mi a hasié pa hopi aña kaba y mi ta keda cla pa sirbi.