ELMAR a cera su programa educativo “Electra Discovery Tour pa Muchanan” cu un bishita special di Buki di Pret na ELMAR Oranjestad, marcando e ultimo parada den un serie di tour cu a pasa rond di nos isla durante e vakantie escolar.
E tour a wordo desaroya pa muchanan di edad di scol basico, y su meta principal tabata pa introduci nan, den un manera interactivo, na e mundo di electricidad y pa mustra con ELMAR ta distribui coriente rond di Aruba.
E muchanan por participa den cuatro stations:
Wega electrico: Pa compronde e base di circuito y fluho electrico.
Scucha kabelnan bou di tera: Pa siña tocanta trabou riba e red subteraneo.
Subi riba bucket truck: Pa biba di cerca e experiencia di un lineman cu ta traha riba e liñanan di coriente.
Balloon di ELMAR: Un recuerdo inspiracional pa motiva e futuro tecniconan Arubano.
E tour a tuma lugar na:
Centro di Bario Noord
YMCA Dakota
Hospi Bondi Camp
Campamento di Alegria na Tarabana
YMCA San Nicolas
ELMAR Oranjestad
“Electra Discovery Tour” ta parti di e esfuersonan continuo di ELMAR pa conecta cu diferente grupo den comunidad, desde clientenan y adulto mayor, te yega na e hubentud. E iniciativa ta forma parti di un vision mas grandi pa motiva e proximo generacion pa aprecia e balor di energia y considera un futuro den ingenieria y ofishinan tecnico.
ELMAR ta gradici su Team di Grid Quality Management, pa nan dedicacion na e proyecto aki, cu a permiti nan duna un experiencia sigur y inolvidabel na tur mucha cu a participa.