Aruba Astro Research Int. asociacion nacional arubano di astronomia pa medio di su presidente Sr.Marcos Bislip ta informa oficial cu Dia 14 di Maart 2025 lo tuma luga un evento celestial di un Eclipse Total di Luna Saros 123 conoci como Blood Moon cora color di sanger esaki ta e sombra profundo di planeta tera cu ta cubri e superficie di e luna 100% paso planeta tera ta den un aliniacion perfecto cu e luna y solo na unda planeta tera ta blokia e rayonan di solo cu e luna ta ricibi for di e solo esaki ta tuma luga na e parti di e luna cu ta wordo observa for di planeta tera y for di un region y area na mundo mientras cu e otro parti di mundo no ta mira e evento ta un area na mundo so ta mira esaki.
Den e caso aki nos region y area so ta mira e evento aki Dia 14 di Maart 2025 y e otro parti na mundo esta Asia lo mira esaki Dia 7 di September 2025. Spera cu tempo coopera nos ta bay tin un eclipse total exitoso pa por observa.
E Eclipse Total di Luna Saros 123 aki na Aruba lo wordo observa como lo siquiente:
Eclipse Penumbra ta inicia pa 11:57 pm di Dia 13 di Maart 2025.
Eclipse Parcial ta inicia pa 1:09 am di Dia 14 di Maart 2025.
Eclipse Total di Luna ta inicia pa 2:26 am di Dia 14 di Maart 2025.
E Maximo di e Eclipse di Luna ta tuma lugar pa 2:58 am di Dia 14 di Maart 2025.
Eclipse Total di Luna ta termina pa 3:31 am di Dia 14 di Maart 2025.
Eclipse Parcial ta termina pa 4:47 am di Dia 14 di Maart 2025.
Penumbra Eclipse ta termina pa 6:00 am di Dia 14 di Maart 2025.
Magnitude 1.178
E duracion di full eclipse ta bay ta di 6 ora y 3 min.
E duracion di eclipse parcial ta bay ta di 2 ora y 33 min.
E duracion di eclipse total ta bay ta di 1 ora y 5 min.
E duracion di eclipse penumbra ta di 2 ora y 24 min.
Direccion pa observa e luna y eclipse ta keda parti pabou.
Aruba Astro Research Int. lo transmiti e Eclipse Total di Luna Saro 123 via di nos colega experto den transmision via telescope cu e tecnologia mas moderno y miembro di Aruba Astro Research Int. esta Rinus Van Geemen.