Pa un pega pega cu ta HOT den pueblo a pone musiconan y banda sapatia bira loco y tranca festival di Caiso & Soca 2026.
Tur cos ta bayendo bon di dos banda a caba cu nan cantantenan y e di tres banda cu ta D’Nova Jerino a termina cu su testing y tur hende por a mira cu scenario a bira bashi.
Mes momento a mira 9 hurado cu ta sinta memei di Carnival Village baha foi unda nan ta sinta. Tur esaki a sosode entre 9:35 anochi. Tur cos tabata bayendo bon, pero ta mustra cu te final algun musico y banda a bin haya sa cu tin un hurado cu lo ta amigo di e cantante Laly, debi na un potret saca y segunnan e lo bay vota pa Laly gana y ta fraude y esaki a ponenan sapatia tranca cos y pueblo mester a sufri pa basta largo.
Patras di scenario tabatin intercambio entre, presidente di hurado, esnan di Stichting Musica e musiconan y e bandanan cu a bisa cu nan NO lo subi scenario mas si e hurado keda. Opinion di pueblo ora a haya tende esaki a bisa laga e banda cu no kier e keda afo y e otronan cu si kier participa, participa numa.
Despues di a scucha tur persona tur hurado a bay den e cashi glas pa asina yega na otro, ya cu tur hurado a para pa nan colega.
9:50pm Zeta Band a subi y Igor a dal su testing di cancion y despues dal un mas. Ya cu a keda informa cu tur cos lo cuminsa di nobo bek.
Riba facebook page por a mira un avalancha di critica di pueblo hostina cu loke a sosode y pone cu e festival lo caba mas laat di e horario stipula.
Aki ba perhudica full e agenda di e Festival y un pueblo gosando di e anochi. Personanan a rabia di e situacion pakico cuminsa di nobo mientras tur cos ta canando bon.
Loke si tur hende mester sa cu un hurado no por bay vota pa un cantante di e voto di mas halto of voto mas abou ta keda elimina, y Andy no por tabatin un influencia ribe resultado final, y Andy a splica esaki den un entrevista.
Si no tabata kier e hurado Andy djis saca su score sheet afo of lage keda sin vota ora cantante Lally canta.
pa 10:43 anochi e huradonnan a subi nan tribuna unda nan ta sinta y asina algun minuut prome cu 10:50pm e prome cantante di Zeta Band por a duna su presentacion.