Pa prome biaha den historia di nos carnaval un cancion ta haya un wild card y ta gana e festival di mas grandi musical riba nos isla.
Den pre final, comunidad riba rednan social a crea un ‘hype’ nunca antes bisto den nos historia di carnaval, e bestia Pega Pega a bira un di e bestianan di mas stima y cu a wordo uza den varios promocion di companianan renombra. Na Bonairo y Corsou e cancion a haci un impacto grandi di cual Lord Lally a wordo invita pa presenta den un evento grandi locual no sa pasa cu un Rey di Aruba ta haña invitacion pa presenta na Corsou.Banda nan popular na Corsou a graba y toca Kacking den fiesta y paradanan.
Tur Plataforma mas grandi di Aruba a reconoce Lord Lally-Lizard Kacking como e cancion di mas grandi di e temporada , Masnoticia, MasFM, 24ora,Canal90,Tele Aruba, Latina FM, Diario TV, TopFM,Canal22, Calle 91.5Fm, Bo Informado, influencer cu mas di 20 mil siguido manera Chando Colina, Ivo Yanez, Lyonel Dirksz, Zayon Yanez, Jan Poets tambe a reconoce Lord Lally-Lizard Kacking como e cancion mas grandi di e temporada.
Nos den un era moderno, awendia tin influencia hopi grandi riba ‘social media’ y por a mira cu tur ‘poll’ a duna Lord Lally gana, tin medianan cu a pone ‘poll’ y tog na final no a reconoce Lord Lally.
Durante e carnaval aki tabata tin 3 cancion cu a hala hopi atencion manera di Ashrock Gario-Born in soca- TipToe- Ride it up pero e impacto nacional y internacional cu Lord Lally a haci tabata indiscutiblemente pa no duna Lord Lally su reconocimiento.
Kizas lo dura hopi aña pa nos por haña un ‘hype’ asina grandi pa un cancion cu a inspira nos comunidad.
Lord Lally tin 64 aña di edad ta empleado fiel na Divi Divi Hotel, a participa pa mas di 40 aña den nos festival, sin nunca a gana un premio, cu ayudo di Hot Ones Band, Jeon y Steve Andrea a percura pa su cancion bira e cancion ganado di nos festival di soca 2026