Diadomingo anochi personanan atento a capta dos homber desconoci purbando pa drenta tereno di e fundacion di hende muhe awor yama Fundacion Contra Violencia Relacional na Primavera. E personanan lo a intenta tur manera pa drenta e tereno y lo a tira baranca den direccion di e edificio. Polisnan a presenta y a controla e luga tanto dilanti y patras pero no a topa cu ningun hende desconoci. Polis a haya informacion den ki auto e sospechosonan lo a bin pero esaki lo a bandona e sitio.