Dos hoben deteni pa vandalismo diabuebs marduga – Aruba Native

Noord – Diahuebs marduga polis a bay altura di e veld na Noord situa pariba di Centro di Bario Noord. Eynan tawata tin un candela basta grandi, causando molester.

Yegando e sitio, polisnan ta mira dos hende core. Mesora a bay unda nan ta y ta detene nan. Tawata trata di dos hoben rond di 17 aña.

Riba nan a wordo haya artefactonan cu nan a usa pa cende candela. Lamentabel ta cu nan a kima un monton di yerba artificial.

Brandweer a presenta y mesora a cuminsa combati e candela, cu a causa daño enorme na e yerbanan.
Ambos hoben a wordo deteni y transporta pa warda bou cargo di vandalismo.