Riba caminda di Bubali dialuna den careda di 11:45 anochi autoridad ta keda informa cu bandi cheng’s supermarket ta sosode un accidente cu impacto fuerte di biaha patruya policial di Noord ta presenta n’e sitio.
Na yegada e oficialnan a topa cu un hyundaii10 pega den cura di cas y a basha algun bloki abou y un kia sportage pega riba baranca.
A constata for di e chauffeurnan cu e hyundai bahando di pariba lo a topa cu e kia sportage cu a sali su dilanti y aki nan a dal contra di otro.
Segun testigonan e hyundai i10 bahando basta duro di pariba a lastra un brake basta largo pa despues dal den e sportage cu ya ta riba caminda caba.
Dos unidad di ambulance a presenta pa brinda asistencia medico na ambos persona den e hyundai herida. Na final takelwagen a busca ambos auto.