Dialuna marduga alarma di Royal funeral home a activa cu tin intruso den e luga, via camara di siguridad a capta cu di berdad desconoci a kibra porta di glas banda panort pa drenta paden.
No sa ta kico e ladron kier a busca den e funeraria, sea ta pa bishita un morto of busca placa.
Gerencia di e funeraria tambe a presenta ne sitio cu e oficialnan. Polisnan a drenta paden y listra pero no a topa cu e ladron.
E propetario di Royal Funeral Home y Aurora a combersa cu nos reportero y bisa kico e ladronnan ki kier busca, siman atras a kibra drenta na Aurora tambe causa daño, si ta placa nan ta busca NO tin placa cash mes debi cu tur cos ta bay banco na funeraria no tin placa mes.
Ta di lamenta ultimo tempo e area di Cumana y bisindario ta keda asota pa ladronnan activo.