Carnaval 72 lo conoce un ahuste positivo pa su actividadnan, danki na un colaboracion historico. SMAC, Stichting Musica y Ambiensis Entertainment a uni pa por brinda nos comunidad, carnavalistanan y musiconan un periodo Carnavalesco berdaderamente grandi y vibrante pa e temporada nos dilanti.
E meta di partnership aki entre e tres organisacionnan ta pa demostra cu hunto por ofrece consistencia den e calidad di produccion, brinda solucionnan logistico faborabel pa tur evento y maneha gastonan na un manera mas eficiente pa cu
Carnaval.
Tur detaye tocante cada evento di Carnaval 72 y mas informacion pa publico general, lo wordo anuncia durante e conferencia di prensa oficial dia 5 di Januari proximo. Comunidad di Aruba ta keda invita pa sigui SMAC, Stichting Musica y Ambiensis Entertainment riba Facebook como tambe Instagram pa tur actualisacion.