Awe si ta culminacionon oficial di temporada di Carnaval 72. Un carnaval cu a conoce hopi reto. Na mes momento esaki ta Darren van Ommeren su ultimo temporada di actividad di Carnaval. Awor loke ta sigui ta e parti administrativo pa nos caba cune y haci un traspaso digno na e board nobo cu ta bin.
Na 2022 mi a wordo aserca door di Grupo nan Uni pa postula mi mes como president. Mi a bisa nan cu lo mester pensa esaki y despues di algun reunion mi a dicidi di acepta e reto aki. E no tabata un decision facil paso mi sa cu pa dirigi algo di tal magnitud lo tuma hopi tempo di Famia, sigur cu un baby recien naci, Negoshi y hopi mas. Asina mes mi a bay pe all the way mane e cancion ta bisa. Mesora mi a bira propone algun hende pa grupo uni cu mi sa cu tin Carnaval na pecho cu ta Edelysse Nicolaas, Ludwiska Kampi y Clari Love. Nan no a duda y a bișa Darren van Ommeren nos ta on. Na caminda mi no por a keda sin trece tambe como un apoyo pa diferente trabao cu ta Aaron Arenas cu tambe niun rato a duda.
Mesora nos a pone man na obra pa crea un structura pa e organisacion SMAC. Esaki sigur no tbt fasil ya cu pa structura bo tin cu tuma decision nan cu no ta popular pa ningun hende. Nos a pone nos dilanti cu e organisacion mester bira un organisacion respeta y educa tur hende cu SIN un organisacion di carnaval (sea quien sea) economia lo no drei. Nos a dicidi cu e organisacion mester un branding nobo, crea un website mara na e branding cu ta “Isla Di Carnaval”, mester ta mas agresivo den mercadeo radial, televisa of riba red social (cual nos a haci). Tambe nos a dicidi cu e board di SMAC mester bisti un disfras pa parada nan oficial y no just un polo blauw, camisa cora, pechi of sombre.
Nos a percura pa haci e organisacion miembro di organisacion nan internacional pa nos promove nos Carnaval y nos pais Aruba. Nos board a bay di acuerdo pa Artistanan y/of banda presenta den nos paradanan ya cu esaki tambe ta promocion pa Aruba. Nos a partner up cu Universivad di Aruba pa haci research pa crea data pa nos sa ki direccion carnaval di Aruba mester bay. Nos board a bin cu Rei of Reina di Curason pa honra hende cu significa hopi pa Carnaval di Aruba. Nos a partner up cu hopi instancia pa brinda conscientisacion pa nos pueblo henter.
Bou di nos presidencia nos a ricibi como invitado Feuershow “Ravenchild”, FECC Deutschland(Alemania) y Samba Résille di Francia pa documenta y compronde loke nos ta hasi aki banda di Carnaval. Nos a trece parada escolar bek. Nos board a haci hopi pero hopi mes y hopi cos cu boso no sa y cu lo ripara cu tempo.
Nos a traha den bon etendimento cu Korps Politie Aruba, DVG, DTI, CMO, Red Cross Aruba, HOH, DOW, DIP y tur departamento di Gorbieno…. MASHA DANKI….
Un DANKI di ❤️ na Reuben van Ommeren, Clara Van Ommeren Croes, Amber Benitez, Kevin Van Ommeren, mi yiu muhe Demi Tromp na Samantha Benitez, na mi yiu Dann van Ommeren, demas Famia y amistad pa tur e pasenshi.
DANKI 😍💋na mi board membersnan: Edelysse Nicolaas, Cherryldine Therese Buckley, Clari Love, Ludwiska Kampi, Zuleyka Willems, Haydy Boekhoudt, Rusette Croes, Kiala Kock, Inky Richardson, John Hassell y Bobby Gibbs……. Si boso keda den board zorg pa busca hende cu ta cana den parada hunto cu boso, paso echt mester di dje. Masha danki pa boso pasenshi y dedicashon.
Un danki special pa Aaron Arenas, Xaui Thijsen, Ash, Gerald Sarda, Tyson Croes y Jason Brown
Na nos team di Boluntario mi dios unda mi cuminsa, miho niun caminda DANKI na boso cada un pa boso dedicasion y pasenshi….
Na e sponsor nan cu ta cana hunto cumi Masha danki pa boso cada un boso sa ken boso ta.
Aruba nos tur pone man na orba ban traha pa haci nos carnaval e miho Carnaval di mundo. No laga nos mes stroba nos mesun desaroyo, pone schouder hunto y ban haci nos cos briya prome cu briya di otro. Aruba comporta boso mes duna oportunidad na es cu si kier pa disfruta di loke nos tin di ofrece, mal comportacion pa ilustra nos educacion. Ban no bringa y carga nos CARNAVAL na Laira.
Un DANKI na tur nos Prins cu Pancho, Reina, nos artistanan chiki di Tumba y Soca, na cada un di nan mayor, trainer, banda etc. Na tur Group Leaders, Musiconan, Tumberonan y nos Soca artist nan, areglista, compositor. DANKI DANKI DANKI !
Ariba Aruba – Ariba nos Carnaval – Ariba nos Pueblo “Carnaval ta Bida”
Potrei di Momo cortesia di ASH
Potrei di Momo cu Darren cortesia di Jason Inesia