Diadomingo den careda di 11:58 anochi central di Polis ta keda informa di un accidente pisa cu a sosode riba LG Smith Blvd net na altura di wind creek casino pariba di royal plaza, di biaha ta mobilisa unidadnan policial cu maximo urgencia pe sitio. Na yegada di prome unidadnan ta topa cu dos hende benta abou no ta reaccionando y a pidi ambulance cu maximo urgencia.
Personanan cu a mira loke a sosode a informa polis di biaha cu un suv color preto a baha di pariba dal ambos persona y sigui bay manera nada un pasa. Polis a cera full e area, a cuminsa cu un investigacion pa draai camaranan di Polis pa yega na e number di auto.
Unidadnan di ambulance a yega di biaha paramediconan a mira e situacion uno hopi cruel y mucho no por a haci y a pidi pa dokter forensico presenta pa nan investigacion. Debi na multitud di hende a opta pa tapa e curpa debi ne situacion cruel, con e curpanan a keda y un sin pia y otro den forma desfigura.
Na prome instante a kere cu ambos ta hende muhe pero despues a constata cu e curpa pariba ta un hende muhe y e curpa pabou un hende homber ambos di edad.
Familiarnan tambe a presenta y tabata un shock pa nan di e sucedido. Dos hende di edad cu a caba di sali foi casino bayendo cas ta hayanan envovli den desgracia.
Polis den un investigacion lihe a yega na unda e auto ta y a yega den area di Pos Abou, Bushiri. Asina a topa cu un suv color preto completamente destrui dilanti. Polis a detene un hende muhe cu lo ta esun cu tabata core e auto. A tuma e auto den beslag unda takelwagen a presenta.
Ne sitio di accidente tabata un investigacion grandisimo oranan largo di parti Polis. Te ora cu funeraria a lanta ambos curpa sin bida asina e caminda a keda habri ora a haci e caminda completamente limpi.
Dokter Voskuil a constata morto di e pareha Josley Paulina Vasques Gonzales naci 9-7-1960 na Republica Dominicana, y e homber ta Carlos David Vialez Valerio naci 19-10-1971 na Republica Dominicana.
Forsa n’e famianan.