Diasabra pasa di 10’or anochi autoridad a keda informa cu lo tin un cas na candela den Bernardstraat na San Nicolas, di biaha a despacha unidad di brandweer cu urgencia ya cu e candela ta birando grandi. Na yegada di bomberonan ta topa di berdad cu basta huma ta saliendo foi un cas y cu tabatin candela paden di e cuarto.
Bomberonan a drenta accion di biaha y bringa cu e candela y a keda domina despues di rato.